Сярод шматлікіх свят асаблівае месца займае Дзень маці. Для кожнага чалавека МАЦІ  — самы галоўны чалавек у жыцці.

14 кастрычніка ў школе была асаблівая атмасфера. Была арганізавана канцэртная праграма «Усмешкай мамінай сагрэты». Вучні школы віталі гасцей, гучалі цёплыя словы ў адрас матуль і  бабуль. У дзяцей атрымалася стварыць у зале добры настрой. Мамы з замілаваннем назіралі за выступленнямі сваіх дзяцей. У школе была арганізавана выстава малюнкаў, на якіх дзеці адлюстравалі сваіх мам. Школьнікі пад кіраўніцтвам настаўнікаў зрабілі выдатны канцэрт.