Дзень абаронцаў Айчыны выхоўвае ў дзяцей пачыццё патрыятызму, павагу да воінаў. Гэта свята сапраўдных мужчын і свята хлопчыкаў, якія вырастуць і стануць абаронцамі Айчыны.

23 лютага ў школе прайшла святочная конкурсная праграма, якая была напоўнена разнастайнымі заданнямі, конкурсамі, гульнямі. Навучэнцы з задавальненнем удзельнічалі ў спартыўных і інтэлектуальных конкурсах, а журы адзначыла самых хуткіх, разумных  і знаходлівых.

Мерапрыемства прайшло весела і дружна.

22 лютага вучні 3-9 класа наведалі ваенна-гістарычны музей імя А.В. Суворава. Эксурсавод паведаміла дзецям   біяграфію палкаводца, які не прайграў ніводнай бітвы, а таксама расказала пра ролю А.В. Суворава ў гісторыі Беларусі і Кобрыншчыны. Вучні звярнулі ўвагу на сапраўдныя рэчы, дакументы, фрагменты інтэр’ераў дамскай гасціннай і кабінета Суворава. Экспанаты розных эпох дазволілі дакрануцца да падзей, якія ўжо даўно ўвайшлі ў гісторыю.

Пасля музея вучні наведалі страусіную ферму. Для дзяцей была праведзена вельмі цікавая і пазнаваўчая экскурсія, падчас якой можна было прасачыць увесь жыццёвы цыкл гэтых экзатычных для нашага клімату птушак. Дзеці пабачылі і кармілі не толькі страусаў. На тэрыторыі фермы жывуць таксама дзікабразы, вослікі, плямістае аленяня, лісяня, сабакі пароды тыбецкі мастыф і шмат іншых жывёл. Падчас экскурсіі дзеці атрымалі шмат пазітыўных эмоцый.

11 лютага вучні 2-9 класа наведалі Лідскі замак. Яны пазнаёміліся з гісторыяй Беларусі ў часы Гедыміна і Вітаўта. Зацікавілі дзяцей рэчы таго часу: маска палача, касцюм чумавага доктара, крэсла допытаў ведзьм і інш. Уражанні застануцца надоўга.

У СШ № 11 г. Ліды вучні наведалі музей «На скрыжаванні дарог». Вялікую цікавасць выклікалі экспазіцыі, прысвечаныя Вялікай Айчыннай вайне і вайне ў Афганістане.

Асабліва запамінальнай атрымалася экскурсія на шклозавод «Нёман». Вучні ўбачылі ўсе этапы вырабу крышталю, пазнаёміліся з экспанатамі музею, наведалі сувенірную краму.